Rebekka Líf

Stormurinn á undan logninu

2009-08-19T14:04:00.003Z

Hvort kom á undan: Eggið eða hænan?

Eins má spyrja sig: Hvort kom á undan; Lognið eða stormurinn?

Gamalt orðatiltæki heldur því fram að lognið komi á undan storminum... En ég held því fram að því sé öfugt farið... Í það minnsta hvað lífið varðar.

Það er nefninlega svo skrítið hvernig allt snýst á hvolf áður en allt fellur í réttan farveg.

Sumarið mitt hefur til dæmis einkennst af, haft eftir vitfirrtur karakter "All work and no play makes Rebekka a dull girl". Það var þó tilgangur með allri þessari vinnu. Ég ætlaði nefninlega að fjárfesta í forláta myndavél. En tækifærin eru víst til þess gerð að grípa þau meðan þau gefast. En þar sem ég gerði það ekki varð ég að bíta í það súra epli að sökum kreppu hækkaði verð vélarinnar um ca. 20-50 þús!! Þá ætlaði ég nú að vera sniðug og fá tengdaforeldrana til þess að kaupa vélina í Elko í fríhöfninni, þar sem ég þyrfti ekki að borga vask af henni, en þegar uppi var staðið þurfti ég að borga svo mikinn vask af henni að hún var orðin dýrari heldur en út úr búð hérna heima.

Nú fannst mér allt sumarið farið í "vaskinn" (hahaha) og sökkti ég mér í mikla depurð og sjálfsvorkunn og tók smá "retail therapy" sprett!

Þetta hafði áhrif á margt annað í lífi mínu, þó ég fari nú ekki út í nein smáatriði.. Og tókst mér að klúðra einföldustu aðgerðum.

Þegar ég hélt að ég sæi sólina ekki framar tók þó að birta til. Ég tók til í persónulegri óreiðu minni og fór fram úr mínum björtustu vonum!

Og viti menn!

Ég er nokkrum dögum frá því að vera stoltur myndavélaeigandi!

Nú vona ég bara að ég hafi rétt fyrir mér með að það sé stormurinn sem komi á undan logninu... Ef ekki á ég mikil átök framundan...

Ýmis spakmæli hafa oltið upp úr spökum mönnum og þessi tvö ætla ég að hafa að leiðarljósi:

Það sem drepur þig ekki, styrkir þig

"Quitters never win and winners never quit"

Sæl að sinni

Bláir Fjórfarar

2009-03-19T14:07:00.006Z

Blár Strumpur

Slagverksleikarinn í Blue Man Group

Dr. Manhattan - Blátt kjarnorkuslys með bláann tilla

Maður - Blár vegna drukknunar

Bíódómar (En: BioDoom)

2009-03-19T00:10:00.008Z

Í kvöld fór ég á hina margrómuðu kvikmynd Eftirlitsmenn (En: Watchmen)

Ég hafði ekki gert mér miklar væntingar fyrir þessa mynd, einfaldlega vegna þess að ég tek vonbrigðum illa og geri mér því sjaldnast væntingar fyrir kvikmyndir. Það er því ekki úr háum söðli að detta.

Ég varð því ekki fyrir neinum vonbrigðum með þessa mynd. Á hinn bóginn fannst mér hún hreint út sagt ömurleg og telst hún því að mínu mati hin mesta tímasóun.

Söguþræðinum hefði verið hægt að þjappa í 20 mínútna stuttmynd en boðskapurinn var sá að stundum þarf stórar fórnir fyrir enn stærri sigra en í það þurfti að blanda heldur mikilli og óviðkomandi forsögu.

Lagavalið í myndinni var fremur sérstakt þar sem mikið var af stórum slögurum (En: Big Hits) sem er sjaldheyrt í myndum sem þessum, og ef þeim var ætlað að fanga ákveðinn tíðaranda var tilætluðum árangri ekki náð! en hlýða mátti á lög eins og Unforgettable með Nat King Cole, Hallelujah með Leonard Cohen og Sound of Silence með Simon and Garfunkle.

Eina lagið sem passaði inn í var lagið sem spilaðist við credit listann í upphafi myndar: Times they are Changin með Bob Dylan.

Þá fannst mér athyglisvert að Rorschac, ein aðalpersónan, var rauðhærður, lítill OG ljótur. Hversu mikið er hægt að leggja á eina manneskju?!?!

Ég verð þó að viðurkenna það að myndatakan var sérlega góð og tækniatriðin frábær, en þess fyrir utan fannst mér eftirfarandi einu kostir þessarar myndar:

Latex gallinn sem Fröken Júpíter var í og slagverksleikarinn í Blue Men Group sem var á sprellanum meira og minna alla myndina.

Einkunn: 5/10 stjörnum

IMDB: 8.1/10

IMDB einkunnin er augljóslega sönnun þess að almenningur er ginkeyptur.. Sé þeim ætlað að finnast e-ð frábært, þá er það frábært.

Valkvíði

2009-03-18T19:23:00.002Z

Ég hef um fjóra (4) hluti að velja núna og þeir eru eftirfarandi:

1. Baka Kryddbrauð

2. Gera sutta greinagerð um eina góða auglýsingu og eina slæma

3. Taka til

4. Fá mér blund (er mjög þreytt)

Bið fólk vinsamlegast um hjálp við þetta val....

Fjórfarar

2009-03-15T22:00:00.008Z

Charlie Rumkle: Góður skollóttur umboðsmaður

Fester Frændi: Sköllóttur semí illur frændi

Dr. Evil: Illur sköllóttur hryðjuverkamaður

Mörgæsamaðurinn: Semí Sköllóttur alverstur illvirkjanna

Ef þú lesandi góður hefur gaman að því að skoða einsfara bendi ég ykkur á þessa fjórfarasíðu.

MINN TÍMI ER KOMINN!!

2009-03-13T15:25:00.008Z

Hér með ber mér að tilkynna yður kæri lesandi að Rebekka Líf er mætt til leiks, öflugri en nokkru sinni fyrr! Og hér verða engin vettlingatök ÓNEI!

Hér eru nokkur atriði sem hafa ber í huga:

Blogg þetta er eingöngu ætlað til skemmtunar og afþreyingar hér á landi en ekki til opinberra skítkasta. Opinbert skítkast telst t.d. niðurlæging á hinum almenna borgara, opinberri persónu, mér, þeim sem standa mér næst, köttum, hafragraut o.s.frv, hvort sem meint er í gríni eður ei. Fjölföldum á efni bloggsins er með öllu óheimil.

Að lesa blogg er góð skemmtun. Þetta blogg er ekki leyft börnum yngri en 16 ára. Góða skemmtun!

Þetta er helst í fréttum:

Fundinn hefur verið upp (af mér) ný gerð af hinu geysivinsæla spili er ber heitið Póker (en: poker). Leikreglurnar eru einfaldar en veðið (en: stake) er með breyttu móti.

Flesti kannast við sígildann póker (en: texas hold'em) og fatapóker (en: clothes throw'em) en þessi leikur er einskonar blanda af þessum sívinsælu spilum.

Reglurnar eru einfaldar:

Karlmenn spila upp á peninga

Kvenfólk spilar upp á föt

en spilareglurnar eru þær sömu og í hinum sígilda póker.

Það er síðan samningatriði leikmanna hvert andvirði gildanna er, en sokkur jafngildir ávallt lægsta veði (en: stake) og nærklæði jafngilda hæsta veði.

Gefi leikmenn sig allan í leikinn (en: all in) er spilað uns mótspilarinn er annað hvort félaus eða fatalaus.

Til þessa að breyta út af vananum geta kynin skypt um hlutverk.

Þessi útgáfa spilsins ber nafnið Geirapóker (en: Goldfinger Hold'em)

Njótið vel

E.S.

Í tilefni Föstudagsins 13. lenti ég í andstyggilegri aftanákeyrslu

Örvæntið eigi!

2006-03-13T21:02:00.000Z

Tölfræðin:

Fyrst varð vart við fuglaflensuna í Asíu árið 2003.

Síðan þá hafa 97 manns látist af völdum hennar = 32,333.. á ári

Jarðarbúar eru um 6,6 milljarðar talsins

það er semsagt svona skítur á priki á móti ryki sem er að deyja. (Er ekki með grafísku reiknivélina svo ég fer ekki meira út í tölfræðina)

Hins vegar ef ég væri með grafísku reiknivélina gæti ég farið að reikna hver þessi tala (97) væri ef við settum hana í hlutfallið á móti þrjúhundruð þúsund manns í staðinn fyrir 6,6 milljarði. Við erum væntanlega að tala um nokkuð lága tölu.

Þýðir það ekki að við Íslendingar þurfum ekki að hafa neinar áhyggjur?

Rökin:

Einu áhyggjurnar sem vert er að hafa eru að þessi plága stökkbreytist og fari að smitast á milli manna. En það hefur ekki gerst ennþá þannig til hvers að hafa áhyggjur? Auk þess er til lyf við henni.

Það heitir Listerine - It kills plagues

Týnd

2006-03-01T15:49:00.000Z

Ég er gjörsamlega týnd... í alla staði (eða öllum stöðum?)

Ég flutti í gær til pabba og verð þar næstu sex vikurnar. Er samt svona á báðum stöðum sem kemur mér eiginlega í þá stöðu að ég veit ekki hvar ég á heima sem hjálpar ekki í eilífri baráttu minni við að finna sjálfa mig. Ég er að kafna í námi sem mér finnst mjög leiðinlegt sem verður til þess að ég slugsa meira en góðu hófi gegnir sem hefur þá skemmtilegu keðjuverkun að ég slugsa enn meira.

Er samt í rauninni ekkert að kvarta. Ég er mjög hamingjusöm og hef gaman af lífinu þó fyrri efnisgreinin hljómi engan veginn þannig. Málið er bara að maður verður að finna sinn tilgang og það er ömurlegt að finnast maður ekki hafa neinn sérstakan tilgang.

ÞEGAR ÉG VERÐ STÓR ætla ég að verða eitthvað MIKIÐ og MERKILEGT. En samt veit ég ekki hvað...

Þess vegna er kannski nægur tími til að lifa bara og hafa alveg sjúklega gaman af því, sem ég er í rauninni að gera en eitt kemur niður á öðru. Þetta er meiriháttar krísa sem ég er lent í hérna.

Ég get það sem ég vil allir lenda í þessu, þetta er bara hluti af því að þroskast og komast að því hver maður er og hvað maður vill.

Svooooo einfalt en samt ekki!

Málefnalega færslan hennar Rebekku

2006-02-15T18:35:00.000Z

Janúar var einstaklega lengi að líða. Hann var lengur að líða en öll síðasta önn, sem einkendist af 8 menntaskólaböllum og ófáum skemmtihelgum sem var feitt en ég er engan veginn að nenna svoleiðis aftur.
Febrúar hefur liðið gífurlega hratt. Ég held varla í við taktinn í þessu enda í mörgu að snúast. Árshátíð MH á næsta leyti, einungis vika! Hún verður rugl! Milljónamæringarnir ásamt Ragga Bjarna, Bógómíl Font og Palla. Svo verður Dj Danni Delúx að þeyta skífum og fleira svona skemmtilegt. Rebekka segir að það sé skyldumæting í matinn!! Ef þú mætir ekki þá ert þú nú bara kaffikanna. Síðan er það söngvakeppnin ÓJÁ! Sunna og ég ætlum að sjálfsögðu að taka þátt, búnar að þýða texta við lag og svona. Munum án efa taka þessa keppni í hinn óæðri enda.

Fór með Sunnu og Maríönnu í svona skemmtilega menningarferð í dag, ætluðum á málverkasýningu en gáfumst upp fyrir kuldanum og enduðum á Kaffibrennslunni. Svei þér kuldaboli. En þær voru semsagt að auglýsa eftir trommara niðrí Smekkleysu, og mér
fannst ég svona pínu út úr þar sem ég er ekki í neinni hljómsveit svo að hér með er ég söngkona sem lýsir eftir hljómsveit. Það er ekki amalegt. Skilyrði að hún sé tussugóð og ég líð einungis góðan móral.

Próf eru ill.

En semsagt

22.-24. Febrúar; Lagnó
22. Febrúar; árshátíð MH á hótel sögu
24. Febrúar; Söngvakeppni NFMH og þeir sem mæta ekki og hvetja okkur eru tebollar.
3. Mars; Fuglaflensan berst til Íslands!!!

Lagið: Air - Biological

Vér mótmælum öll!

2006-02-09T13:43:00.000Z

Eins og þið sjáið hef ég ákveðið að breyta hausnum á síðunni, áður stóð 'Mistress' Rebekka og merkingin með 'Mistress' átti að vera kvenkyns nafnorðið meistari (en ekki hjákona) sem er því miður ekki til í Íslensku. Ástæðan fyrir að ég breytti hausnum var þó ekki af tungumáls orsökum. Ég ákvað að slá upp leitarorðinu 'Mistress Rebekka' upp á vefleiðaraleitarvefnum og fann þá meðal annars þennan viðbjóð.

Í dag var verið að dreifa í skólanum póstkortum sem eiga að sendast til Þorgerðar Katrínar. Engin venjuleg póstkort þar á ferð heldur mótmæli gegn skerðingu framhaldsskólanáms. Fleiri skólar eru að fara þessa leið og verða þetta ein allsherjar mótmæli sem vonandi hafa eitthvað að segja. Ætla nú ekki að vera með neinar voðalegar málalengingar hérna en ætla aðeins að tjá mig um hvers vegna ekki ætti að stytta námið:

Þetta hentar ekki okkar menntakerfi - þó svo að það tíðkist í öðrum löndum að hafa framhaldsskólanám styttra hefur það nánast gleymst í umræðunni að brottfall í þessum löndum er oftar en ekki mun meira.

Auk þess þarf að breyta öllu fyrirkomulagi í grunnskólum landsins. Það þykir nógu erfitt að hefja nám í framhaldsskóla þar sem lítill undirbúningur fyrir framhaldsskólanám er í grunnskólum, og um leið og þeir fara að þyngja nám í grunnskólum er námið ekki lengur við allra hæfi. Háskólarnir munu ekki breyta sínu fyrirkomulagi svo við komum til með að þurfa að taka auka kúrsa áður en við hefjum háskólanám.

Brottfall mun aukast
Atvinnuleysi eykst vegna sérhæfðari menntunar fólks

Verður tími fyrir eitthvað annað en nám???

Það er nú þegar þannig að þeir sem kjósa það geta tekið námið á 2 og ½ - 3 árum. Þar sem minnihluti framhaldskólanema er samþykkur því að skerða námið, er þá fyrirkomulagið ekki bara fínt eins og það er?

Ég held að Þorgerður Katrín og allt hennar hyski ætti að hætta þessari stöðugu valdafýsn og reyna að höfða meira til okkar kynslóðar, þar sem við erum jú næsta kynslóð kjósenda og pólitíkusa. Ég get ekki sagt að ég sé mikið fyrir þeirra stefnu en þetta fyllir mælinn...

Lagið: Who shot Þorgerður Katrín? (við lagið I shot Reagan)

Viturleiki

2006-02-04T03:42:00.000Z

Stundum er ég fiskur. Þá finnst mér gaman að synda í Níl. Er ég þá Nílfiskur? Nilfisk. Það er hljómsveit. Lítið veit ég um þá. Það eru margir hlutir sem ég þarf að kynna mér nánar samt veit ég alveg mjög mikið þó ég viti í rauninni ekki neitt. Viturleiki er vís.

Lagið: The girl from Ipanema

Vinátta

2006-02-01T20:58:00.000Z

Hvað er vinur? Hverjir eru vinir manns og hverjir eru sannir vinir?

Þessa skilgreiningu fann ég á Wikipedia:

Vinátta er mannleg samskipti sem fela í sér sameiginlega vitneskju, gagnkvæma virðingu og væntumþykju. Vinir taka selskap hvors annars opnum örmum og gagnkvæmt traust er einkennandi fyrir vinskap, oft upp að því stigi að þeir taka hagsmuni hins fram yfir sína eigin. Smekkur þeirra er svipaður og jafnvel eins, og þeir deila ánægjulegum stundum saman. Þeir hafa þörf til að hjálpa hvor öðrum í alls kyns vandamálum, til að mynda, skiptast á ráðum og ræða erfiðleika. Vinur er einhver sem gefur og þiggur og er tillitsamur í framkomu.

Gildi vináttu:

Sú tilhneiging að þrá það sem er þér fyrir bestu
Samkennd og Samúð
Heiðarleiki, jafnvel í aðstæðum þar sem getur verið erfitt fyrir aðra að segja sannleikan.
Gagnkvæmur skilningur

Það er oft haft á orði að sannur vinur sé fær um mjög djúpar tilfinningar, sem gæti verið mjög erfitt að tjá nema þegar neyðin er mikil. Þá kemur vinurinn til hjálpar.

Í íslensku samheitaorðabók Háskóla Íslands stendur:

Vinátta: Ástsemd, bróðerni, bræðralag, kunningsskapur, kunnleikur, tíðleikar, vinfengi, vingan, vinsemd, vinskapur, vinun; -> ást. Andh: Óvinátta

Vinkona: ástvina, kunningjakona, vina, vinstúlka sbr. félagi.

Vinur: ástvinur, félagi, kunningi, unnandi, velunnari, vin. Andh: Óvinur.

Ég spyr mig oft, hverjir eru vinir mínir? Eru vinir mínir vinir mínir? Vilja þeir vera vinir mínir? og ég get haldið endalaust áfram. Kannski er þetta tákn um mitt eigið óöryggi eða það að vinir mínir koma illa fram við mig, að minnsta kosti þeir sem ég kalla vini mína.

Væri kannski ágætis tilbreyting að fara bara að kalla annað fólk vini sína og sjá hvað gerist...

Lag dagsins: Blur - coffee & TV

Eins og sokkur í skúffu

2006-01-30T16:40:00.000Z

Það ætti að taka upp á því aftur að halda hvíldardaginn heilagan.

Ætli maður styðji nú ekki biblíuna að einhverju leyti þó svo að það væri alveg fráleytt að fara alveg eftir henni, enda er vatikanið búið að hagræða boðskap hennar svo um munar.

Ég HATA vinnuna mína, og ég leyfi mér að nota orðið HATA vegna þess að eitt sinn elskaði ég hana og hugtakið "hatur" má aðeins nota yfir fyrirbæri sem maður hefur eitt sinn elskað en líkar hinsvegar alveg hrikalega illa við á því augnabliki sem orðið lítur dagsins ljós.

Styður biblían þrælahald? (verð að lesa mér til)

E.S.

Tveir dagar eftir að Janúar (hélt hann ætlaði aldrei að taka enda)

Nýyrði

2006-01-24T01:17:00.000Z

Langar að fræðast meira um þetta áhugaverða fyrirbæri.

Heyrði eitt sniðugt í dag

Webcam - Vefaugnabliksfangari

og svo var eitt gott dæmi um nýjung í skammstöfun

Brb sem allir þekkja eða be right back
þýðingin á því er Kis eða kem innan skamms.

þetta með vefaugnabliksfangarann kæmi vel út í spjall samræðum á netinu:

Perri: Hey sæta, settu nú vefaugnabliksfangarann á fyrir mig svo ég get séð betur hvað þú ert flott ;)

Endilega komið með fleiri svona skemmtileg nýyrði. Eða nýnýyrði. Er ekki að tala um svona tölva sem er dregið að tölur og völva og svona gömul nýyrði sem eru löngu orðin nútímamanninum eðlislæg. Meira svona nýtt af nálinni.

Siðmenning í ræsinu...

2006-01-18T01:46:00.000Z

Hvað er að gerast í þjóðfélaginu?!? Eru öll siðferðismörk farin til andskotans???
Ætla ekki að fara að tjá mig um þetta DV mál þar sem ég held að flestir geti verið sammála um það að það sé ekki hægt að taka DV alvarlega og þetta mál var hræðilegt, sama frá hvaða sjónarhorni á það var litið.

En það sem fyllti algjörlega mælinn var þetta SPLASH TV! Ég hafði bara heyrt talað um það en bjóst ekki alveg við því svona slæmu! Ætla setja hérna upp lítið dæmi um hvað þeir sem völdin hafa í þessu þjóðfélagi (og fjölmiðlar hafa þar að sjálfsögðu gífurleg völd) hugsa um lítið annað en að græða....

Brynjar Guðnason, sá ágæti MH-ingur og athafnamaður sendi inn hugmynd að sjónvarpsþætti á Sirkus ásamt félaga sínum í hugmyndaleik Sirkus. Hugmyndin var sú að hafa uppbyggjandi þátt þar sem fram kæmu málefni ungs fólks. Hvað fáum við í staðinn? Snargeggjuðu hnakkamelluna Brynju Björk; Steraköggulinn og athyglissjúklinginn Egil eða "Gilzenegger", fyrrum bekkjarlúðann; Party Hans, gaur sem er svo heimskur að hann getur ekki einu sinni tjáð "sína persónulegu skoðun" skilvirkilega í fréttatíma NFS. Virkaði frekar tómur í kollinum við hliðin á hámenntuðum mannfræðingum talandi um rakstur kynfæra... Og svo er það rúsínan í pulsuendanum: SPLASH TV! Nú held ég að klámvæðingin sé alveg að gera útaf við siðferðiskennd fólks... Ef fólki finnst þetta í lagi, þá er eitthvað að??? Þetta eru fyrirmyndir ung fólks í dag.. Splash er sýndur klukkan 20:30 á fimmtudagskvöldum að mig minnir og hverjir eru þá að horfa? Einmitt þau yngstu og ómótuðustu og hvað læra þau annað af þessu en að þetta sé það rétta? Eins og máltækið segir "börnin læra það sem fyrir þeim er haft".

Alveg er ég viss um að margar betri hugmyndir hafi borist þeim á Sirkus, t.a.m. hugmynd Brynjars og félaga. En þau á Sirkus hugsa bara um að græða. Ég meina Splash, klám og herra Ísland? er það ekki það sem mokar inn peningum? "Kellingatryllirinn" og "átrúnaðargoð allra Íslenskra drengja," Gillzenegger, laðar hann ekki fólk að skjánum? Hnakkamellan Brynja Björk, stelpa sem er fús til að viðurkenna að klámvæðingin sé öllum til góðs og það sé ekkert athugavert við hana, býðst meira að segja til að hafa munnmök við karlmenn undir borði á skemmtistöðum, og finnst það ekki einu sinni athugavert! DRAUMUR ALLRA KARLMANNA! Heldur það ekki fólki heitu í sófunum fyrir framan imbann?

Þetta finnst mér ekki mega viðgangast lengu, það verður að gera eitthvað! Ef að fólk sættir sig bara við þetta fer þetta að verða staðall og viljum við búa í þessari veröld? ekki ég takk fyrir...

Nú langar mig verulega að vita hvort það er einhver þarna úti sammála mér...

Vinsamlegast skiljið eftir athugasemdir!

Býflugan og blómið

2006-01-09T18:14:00.000Z

Já hæ.

Þegar ég var lítil pældi ég ekki mikið í því hvernig börn urðu til. Þurfti að sjálfsögðu ekkert að pæla í því, vissi það alveg. Hafði mjög skýra mynd af því í huga mér....:

Mamma og Pabbi í eldhúsinu á Laugaveginum þar sem við áttum heim, að leira mig á eldhúsborðinu úr svona trölladeigi.

Þetta með strútinn lærði ég löngu seinna, jafnvel eftir að ég fékk að vita hið sanna.

Nú langar mig bara að vita gestir góðir hvernig þið hélduð að börn yrðu til áður en þið fenguð að vita hinn hræðilega ógnvekjandi sannleika???

Nei þú hér?

2006-01-06T18:29:00.000Z

Hæ! Já komin með svona nýja síðu og þú mátt koma eins oft og þú vilt ef þig langar... Ætla að vera dugleg að nöldra hérna jaaaaaaaa.

Ætla að koma með smá svona sem allir kannast við.
Maður er kannski að labba í rólegheitunum í Kringlunni og þá heyrist svona (óp) og svo "nei, þú hér!?!" eins og það sé svakaleg tilviljun að maður skuli hitta einhvern sem maður þekkir í kringlunni? Og alltaf verður þetta fólk sem á það til að æpa svona upp yfir sig jafn hissa að þessi manneskja sem það á það til að æpa á, skuli í raun og veru standa í manns mynd fyrir framan það. Og þetta verður pirrandi á þeim tímapunkti þegar "hissamanneskjan" verður svo æst að hún hleypur að manneskjunni og allt sem í vegi hennar verður er dauðadæmt...

Og þar sem Ísland er nú með stærri "heimsálfum" þá er þetta í raun algjör tilviljun heh? vííííí

kannist þið ekki við þetta?